Report
Family Fellowship 2018
Saptuam Work Plan 2018 a sehsa a om bang in “Family Fellowship-2018” zang ding in unaute unaupa Kammuanlal inn kiang, Mohammedpur, New Delhi, a kingak khawm in zing dak 9.30 vel in hun zatna mun ding Asola-Bhatti Wildlife Sanctuary, New Delhi, lam ah kikuan khia hi. Lampi theisa unau khenkhat in bel direct in a mun lam direct in hon zuan uh. Milip a sim in 30 (nu leh pate) phial kipha hi. Naupang leh nungak-tangval hunkhop tel thei ahihman in mi 50+ in lunch ki-um khawm hi.
Family Fellowship-1
Theme : Tate Thutak Theihna lam ah Nu-le-pate
Venue-Asola Bhatti Wildlife Sanctuary
Date ~March 30, 2018 Time-1030-1700 hours
Co-ordinator – Unaupa Chinpau

First Session (1030-1200 hours)
Thumna masa-Unaupa Janglet
Thumna Nanung-Unaupa Biakmang
Lapitu-Unaupa Khamminthang
(Latel-Khristian La # 578, 191, 51, 307,235, 343)


Thugen thupi
“Tate Thutak Lunglut Theihna dia Nu-leh-Pate Mohpuakna”
Zing dak 10 vel in amun kitung a, unaupa Siamkhanmuan heuten singpi khum in honna vaidawn ua, singpi dawn khawmna kinei masa. Hun sehsa bang in dak 10.30 in first session zatna hun hiai bang in kinei khawm hi
Laisiangthou pansan in thutak dak kal khat leh a kim vel unaupa Nekkhothang in genna hun hon zang. Tomkim a gen in unaupa thugen ahihleh tate kiang a thutak piaksawn poimoh dan leh bang chi piak ding, ban ah, thutak pesawn ding tute (nu-leh-pate) neih ngei ngei ding chitna tamlou toh nounel tak in hon gen hi. Huan thutak kam a thuhilhna toh piaksawn lel a hun kei a, thugen/thuhilhte mah eimah a kilang ding ahi chi hi. Saukhop, thulu hoihpi ahihman in Kha Namsau a suah ding in ki enlah a issue nawn chiang in bukim zaw hong kisuah ding hi. Unau kuapeuh in sim/zak chiat ding a hoih thutak Laisiangthou pansan a tangkoupih thu ahi.
Sun dak 12 in session masa kizou a a paikhawm unauten sun ann umkhawmna nikei. Unauten mahni anhuan/meh huante kaikhawm in taksa a poimoh sun ann niang leh tai in kine khawm a, ki tai mah mah. Program neih hunsung a naudon nungak-tangvalte toh sim in sun-ann nehawm 50+ kipha zou.
Sun ann nekkhawm zoh in session nihna sunnung dak 2 in kipan nawn a, anuai a program bang in kithuahkhawmna om, Hiai session nihna a kithuahkhawmna ah nu-leh-paten, tate a neulai uapan etkoldan, mimal zuihnelsate kikup khawmna in hun kizang hi. Apatna ah naupang pawl nga (class-V) zil lellaite’nu leh pate apan in tate thuhilhna, tangthu vantang leh Laisiangthou apan tangthute hilhdan, hilh hun leh tangthu hilhte leh lasak khawmnate ngaihkhiakna kinei. Unauten tate lungtang/lungsim siangthou leh awng a thudang-ladang lutma a zillai hoihpipi tangthute hilh ahihdan uh gen ua, ana upa zaw deuh tate pawl guk (Class-VI) apan a tunglam zillai nei nu-leh-paten thukhup (comment) kipia hi. Hiai bang houlimna (interaction) om hoih ahihdan unaute kithuahkhawmte muhdan ahi. Tua mah bang in naupang pawlguk tunglam zillai nei unau paikhawmten tate toh kithuahkhawm dan, thuvantang a houlimnate leh amau apan dotna omte in houlimna kinei nawn a, naupang pawl nga tan zillai nei nu-leh-paten thukup (comments) hon pia uhi. Hiai hun ah tate hunkhop teenage hilaite amau mimal a theihsiamlouh leh buaina neneuh aneihte uh nu-leh-paten bang chi saipih uhiam chih thute genkhawm/houlim khawm ahihman in hon tuaktou zel ding nu-leh-pate a ding a kisak kholhna leng hipah hi. Hun ki bichilh ziak in a paikhawm teng in tate buaina leh dotnate genchiat man kei mah leh tuailaiten amau level a buaina/theihsiamlouh neitham uh ahihdan kilang hi.
Lunch break



2nd Session (1400-1700 hours)
Thumna Masa-Unaupa Thangbiaklun
Thumna nanung-Unaupa Thanglianmang
Houlimna Pitu-Unaupa Kamkhenthang

Tawpna Thugentu-Unaupa Jamson

Houlimnate zoh ahihtoh kiton in Unaupa Jamson in tawpna thugenna nei a houlimnate tungtawn a amuhdan leh Laisiangthou apan thuhilhna saulou minute 30 vel hun hon zang hi. Gendan tuam zaw deuh a gen himah leh unaupa Nekkhothang pansante Laisiangthou mah pansan ahihman in amah thugente leng hiai ah suah ahi kei phot hi.
Dak 5 vel in hun kizou a Unaupa Pauminthang in thumna in hun khak a, limlakna kinei a, mahni innlam chiat zuan in kipai kik hi. March 30 ni tuh unau bangzah hiamten manpha tak in kizang khawm hi. Damlouhna ziak leh sepna a ki-awngsut theilou unaute omzek mah leh a tamzaw tham kitel thei hi a chiamteh ahi. Family fellowship masa lamzang tak leh nuamtak in kizou hi. Family fellowship nihna December 2018 a neihding ngaklah huai isak chiat uh lam-en hang. Pa Pathian pina khut thahat ziak in programme zoh theih ahihman in iki pak hi. Hiai hun manpha zangthei ding a panla, gim-leh-tawl poi salou a ana pang program hon bawltu, Edification Committee, tung ah saptuam in kipathu chiamteh hi.
