Church of Christ, New Delhi

“The Churches of Christ salute you” (Romans 16:16)

Laisiangthou tangthu hunbi kikhen dan tangpi

Jamson guite

  1. TUICHIIM TUNMA HUN (Antediluvian Period)

Siamchil apan Tuchiim tun hun tan (From the Creation to the Flood)

  • Date : 4004 – 2517 BC, cf. Genesis 1:1 – 8:13

Hiai hun a mi poimohte (Principal Characters):

  1. ADAM: Pathian siamkhiak mihing masapen.
  2. EVI: Pathian siamkhiak numei masapen.
  3. KAINA : Leitung mihing apan piangkhia masapen, a unau Abel that a tualthat masapen ahi.
  4. ABEL: Adam leh Evi tapa nihna, leitung a thah a om masapen.
  5. ENOK: Pathian deihlam bang a gamta mihing, silou a tunglam a Pathian laktouh a om.
  6. NOAH: Mihing pianphung a Adam a pan akhang sawnna. Diktat ziak a Tuichiim apan a suaktate innkua a papen. Pathian in Leitung Tuichiim a agawt lai a lei a ganhing kop khat chiat toh tuichiim apan hotdam a ompa ahi.
  7. TUICHIIM TUN NUNG HUN (Post Diluvian Period)

Tuichiim tun hun apan Abraham sap a omna tan (From flood to the call of Abraham)

  • Ahun: 2517 BC – 2092 BC; cf. Genesis 8:14 – Genesis 12
  • MIPOIMOHTE (Principal Characters):
  1. NOAH: Mihing pianphung a Adam a pan akhang sawnna. Diktat ziak a Tuichiim apan a suaktate innkua a papen. Pathian in Leitung Tuichiim a agawt lai a lei a ganhing kop khat chiat toh tuichiim apan hotdam a ompa ahi.
  2. SHEM: Noah tate lak a upapen, Shemi namte’ Pa
  3. HAM: Noah tate lak a khat, Hamitic (hamates) namte’ Pa
  4. JAPHETH: Noah tate lak a khat, Indo- Europian namte’ Pa
  5. NAHOR: Abraham’ pu ahi a, a sanggampa (anau) leng Nahor a kichi.
  6. TERAH: Kaldai gam a Ur khua a om Abraham’ pa ahi.
  7. LOT: Abraham’ paneu, Sodam siatna a azi leh a neihteng taan. A tanute suan apan Moab leh Ben-Aminte pa ahi.
  8. Abram: Pa (Pahtawi a om) chihna ahi. A nunglak in Abraham a hong kichi a, huai tuh miteng pa chihna ahi.
  9. SUANGTU BULTE HUN (Patriarchal Period)

Abraham sapna hun apan Egypt a lutna tan (From call of Abraham to descent into Egypt)

DATE: 2092 BC – 1877 BC; cf. Genesis 12 – 50

MIPOIMOHTE (Principal Characters):

  1. Abram: Pa (Pahtawi a om) chihna ahi. A nunglak in Abraham a hng kichi a, huai tuh miteng pa chihna ahi.
  2. ISAK: Abraham leh Sarah tapa, thuchiamna ta, amah zang a Pathian thuchiamte tangtunsak a omna pa ahi. Pathian a muanna leh a ginna thupi ziak in thumanna in apa’n maitam tung ah alaan ngam a, huaiziaktak in Abraham ginna a mi thupi chih in om hi.
  3. JACOB: Isak suan tapa phikte lak a piang nanungzaw pen ahi. A u Essau apan a tamasa hihna leipa, vualzawna (sungkuan hamphatna diing teng) a tan theihna dia apa khempa ahi. Anung in amin ISRAEL chia khek in a om, huai tuh Pthian’ Tapa chihna ahi.
  4. JOSEPH: Jacob Tapa 11na, a deihthoh mahmah ahi a, azite lak a Rachael ta masa ahi. Apa deihsak tuam ziak in a sanggamte’n a haza ua, gamdang ah zuak mang mahleh uh a diktatna ziak in mi lianpi hong suak in amah haza a thahsawm a sanggamte tengteng ama ah hong kun uhi.
  5. RACHAEL (Rakel): Jacob zi hawmthoh, Joseph leh Benjamin’ nu ahi.
  6. LEAH: Laban tanu uapen, Jacob’ zi masa ahi.
  7. LABAN: Jacob sungpa ahi. Haran gam ah a teng a, Jacob in a zi dia Rachael kum 7 a thaloh nung in a upazaw pen Leah a pia a, Jacob lungkimlou in a deihzawk Rachael neihna din kum 7 dang athaloh behlap hi.
  8. SALTANNA HUN (Period of Bondage):

Egypt a lutna apan pawtkhiakna tan (From Descent into Egypt to the Exodus)

DATE: 1877 BC – 1447 BC; cf. Exodus 1-12

MIPOIMOHTE (Principal Characters):

  1. JOSEPH: Jacob Tapa 11na, a deihthoh mahmah ahi a a zite lak a Rachael ta masa ahi. Apa deihsak tuam ziak in a sanggamten a haza ua, gamdang ah zuak mang mahleh uh a diktatna ziak in mi lianpi hong suak in amah haza a thahsawm a sanggamte tengteng ama a hong kun uhi.
  2. MOSI: Israelte makai, Aigupta sal apan Israelte pikhepa leh Pathian apan DAN lapa ahi.
  3. PHARO: Aigupta kumpite kimin lohna ahi.
  4. GAMDAI A VAKVAIHNA HUN (Period of Wanderings):

Pawtkhiakna apan Jordan lui kanna tan (From Exodus to the crossing of Jordan)

DATE: 1447BC – 1407 BC; cf. Exodus 12 – Deut. 34

MIPOIMOHTE (Principal Characters):

  1. MOSI: Israelte makai, Aigupta sal apan Israelte pikhepa leh Pthian apan DAN lapa ahi.
  2. ARON: Mosi sanggampa leh a kamsangpa, Levi chi siamputna a tanvou tang leh siampu lianpen hi masapen.
  3. MIRIAM: Mosi sanggamnu, naupang ahihlai a vengtu leh anunglam a Jawlnei ahi.
  4. GAMLAKNA HUN ( Peroid of Conquest):

Jordan kanhun apat vaihawmte sehna tan (From crossing of Jordan to the appointment of Judges)

DATE: 1407 BC – 1350 BC; cf. Joshua 1 – 24.

MIPOIMOHTE (Principal Characters):

JOSHUA: Kanan gam enkhetu dia sawl a om 12te lak a khat, Mosi sepaih heutu leh Kanan gam luah dia namte pitu dia Mosi munluah pa ahi.

  1. VAIHAWMTE HUN (Period of Judges)

Vaihawmte seh hun apan lalgam phuh hun tan (From appointment of Judges to the establishment of the Kingdom)

DATE: 1350 BC – 1051 BC; cf. Vaihawmte, Ruth leh 1 Samuel 9.

MIPOIMOHTE (Principal Characters):

  1. SAMSAON: Israelte mi hat, Philistiante dou dia Pathian in hatna a piak himhaleh Numei ziak a agalte khut a pukpa.
  2. RUTH: Moab numei ginomtak, Hebru tangval toh a kiten nung a apasal in a sihsan nung a leng nawkik nuamlou a, apasal nu zuitinten, huai zoh a Boaz toh kiteng nawn a, David leh Khrist sungtu a hong khikha hi.
  3. NOAMI: Ruthi teknu (a pasal’ nu) ahi.
  4. SAMUEL: Kumpi Saul leh David-te hunlai a Jawlnei ahi a, Silo a siampu Eli nuai a khangkhia ahi. Naupang thumangtak, a nuleh pa’n Pathian na semdia a neu apan a piakkhiak uh ahi. Vaihawmte hun a Israelte vaihawmtu nanungpen ahi a, amah mi hoihtak himahleh atate sum ngaina leh golhna lami leh diktatlou ahihziak un mipite’n a chimtak ua, namdangte bang a kumpi nei a kivaipuak a nget dungzui un Pathian in aphalsak a, kumpi masapen diing Saul thaunilhtu ahi.
  5. LALGAM KIPUMKHAT HUN (Period of the United Kingdom)

Lalgam dinkhiak apan Lalgam sehkhen hun tan (From establishment of the Kingdom to division of the Kingdom).

DTE: 1051 BC – 931 BC; cf. 1 Samuel 10 – 2 Samuel 11 and 1 Kro. 10 – 2 Kro. 9.

MIPOIMOHTE (Principal Characters):

  1. SAMUEL: Kumpi Saul leh David-te hunlai a Jawlnei ahi a, Silo a siampu Eli nuai a khangkhia ahi. Naupang thumangtak, a nuleh pan Pathian na semdia a neu apan a piakkhiak uh ahi. Vaihawmte hun a Israelte vaihawmtu nanungpen ahi a, amah mi hoihtak himahleh atate sum ngaina leh golhna lami leh diktatlou ahihziak un mipite’n a chimtak ua, namdangte bang a kumpi nei a kivaipuak a nget dungzui un Pathian in aphalsak a, kumpi masapen diing Saul thaunilhtu ahi.
  2. SAUL: Kish tapa, lalgam kipumkhat hun a kumpi masapen, kum 40 sung vai a hawm nung a Pathian a nung ngatsan ziak in minsetak in a si.
  3. DAVID: Lalgam kigawm hun a kumpi nihna Hebru kumpite lak a thupipen ahi a, Sam Laibu a gelh hi.
  4. SOLOMON: David tapa, lalgam kigawm hunsung a kumpi thumna leh a nanungpen ahi. Thupitak leh hausatak in kum 40 sung mah vai a hawm. Leitung a mipilpen a tuni tan a seh ahilai a, Laisiangthou ah Puanakte, Ekliiasti leh Solomon Late a gelh hi.
  5. JONATHAN: Kumpi Saul tapa upapen ahi. David toh a ki-it mahmah ua, apa Saul in David a hazat ziak a khelhna neiloup a thahsawn lai a David na hunkhe pa ahi.
  6. LALGAM KHEN HUN (Period of the Divided Kingdom)

Lalgam kikhen hun akipan Samaria puk hun tan (From the division of the Kingdom to the fall of Samaria)

Date 391 BC – 722 BC; cf. 1 Kum. 12 – 2 Kum. 20 & 2 Khro. 10-32

MIPOIMOHTE (Principal characters):

  1. ELIZA: Israel mallam lalgam a Jawlnei minthang, hing a vankah ahi.
  2. AHAB: Israel mallam a kumpi sepen a theih a om pa.
  3. JEJEBEL: Ahab’ zi ahi a, Pathian mi diktate sawitu ahi.
  4. JEROBOAM : Israel mallam lalgam a kumpi masapen ahi.
  5. JEHU: Israel mallam lalgam a kumpi 10na, Baal bemite tengteng thatgam a Israel gam a Baal hihmangtu ahi.
  6. JUDA LALGAM KIA ( Period of Judah alone)

DATE: 722 BC – 586 BC; cf. 2 Kum. 21-24 & 2 Khro. 33-36

MIPOIMHTE (Principal Characters):

  1. ISAI: Jawlnei laigelhtute lak a athupipen ahi. Juda kumpite vaihawmna ah a sem a, Mesia hinkhua leh anasep diingdan kimtak in tampi ana genkhol hi.
  2. HEZEKIA: Juda kumpi kingaihniam, a kigamgitpih mite leh Assuriate toh kisiat hunlai a haksatlaitak in namte a makaih a, Pathian in a damsung kum 15 in a hihsausak.
  3. JOSHIA: Juda kumpi valnou kibawldikna hihpa, Aigupta kumpipa Pharo Necho toh kidouna a zohma in a si.
  4. KHAKMANGNA HUN (The Period of Exile):

Jerusalem puk hun apan Babulon puk hun tan (From the fall of Jerusalem to the fall of Babulonian, or return uner Zerubabel)

DATE: 586 BC – 536 BC; cf. 2 Kum 25:8-21 & Dan. 1-8

MIPOIMOHTE (Principal Characters):

  1. EZEKIEL: Babulon lam a puakmang a om Judate lak a khosa jawlnei khat ahi. A gam lam ua Hebru namte pikiknawn ahih diing dan uleh a gam uleh a Pathian biakna munte uh puahphat thak ahihnawn diing dante genkholtu ahi.
  2. DANIAL: Juda nam a Jawlnei, saltan sung a Babulon leh Persia kumpite vaihawmna asem, Mesia Lalgam hongtung diing  genlawkktu khat ahi.
  3. NEBUKEDNEZZAR: Babulon Kumpi, Judate nuaisiah a sal a pipa ahi.
  4. TUNDING THAKNAWNNA HUN ( Period of Restoration):

Babulon puk hun apan Thukhunlui tawptan (From the fall on Babulon to the close of the OT)

DATE: 356 BC – 500 BC; cf. Ezra, Nehemia, hagai, Zekaria, Esther, Danial 9

MIPOIMOHTE (Principal Characters):

  1. ZERUBABEL: Juda khang a mi, Babulon kumpi Nebukednezzar in a pimang Judate saltanna apan kiknawnte makaihpa leh Jerusalem Temple lam patnawnna makai khat ahi.
  2. ESTHER: Juda nungak, Medo Persia Lalgam Kumpinu dia tel a om. Judate thahgamna diing apan hunkhetu, numei poimohtak ahi.
  3. EZRA: Judate laigelhtu, Babulon sal apan nam puahthakna diing a pitu ahi.
  4. NEHEMIA: Babulon saltan nung a Jerusalem lamthak nawnna dia pitupi pen ahi.
  5. THUKHUN KAL (Inter testamental period):

Thukhunlui leh thukhun thak kal ahi a, Jawlneite daih hun leng a kichi hi (The time between the Testament. It was a period of Prophetic silence).

DATE: 500 BC – 96 BC.

MIPOIMOHTE (Principal characters): NIL

  1. KHRIS NUNTAK HUNSUNG ( Period of the life of Christ):

DATE: 1 AD – 33 AD; cf. Matt. Mark, Luke & John

MIPOIMOHTE (Principal Characters):

JESU: Pathian tapa, khovel mite khelhna tan diing a leitung a mihing bang a hongpai ahi. Amah thupiakte zuihna ziak in mihingten hotdamna a muhthei hi.

  1. SAPTUAM HUN (Period of the Church):

Jesu van kah hun apan Thukhunthak tawptan (From ascensiaon of Jesus to the close of New Testament)

DATE: 33 AD – ????; cf. Nasepte – Kilakna

MIPOIMOHTE (Principal Characters):

SAWLTAKTE : Khris damlai a nungzui a napang leh Tanchinhoih nasemtu/Salwtakte’n Toupa Jesu apan a thuhilhna/sinsaknate tuni a mihingte zattheih din hon pesawn ua, amaute apan I theih/simte ahihbang lel a zuihna in mihingte hotdamna a pethei hi.

******

GENERAL ABBREVIATIONS OF THE BIBLE

AD = Anno Domini/ after Christ (Khrist Nunglam)

BC = Before Christ (Khris Malam)

C = Circa (Latin) – About/approximate (veel)

cf =  Confer (Latin) – Compare (tehpih in)

f = And the following Verse (a tang kizompih)

ff = following verse (a kizompih tang dangte)

v = Verse (Bible tang)

vv = Verses (Bible tangte

NT = New Testament

OT = Old Testament