BANG CHI’N SIANGTHOUNA HINNKHUA I ZANGTHEI DIA?1 Peter 1:15
Siangthouna toh kisai khanih sung vingveng ina genta uh. A bultung in thupatna dan in ka gen a, tun thukhitna dan in ka hon gennawn diing.
Unaute akipan in siangthouna toh kisai tamveitak ina ngaikheta uh. Khenkhat in I thupi un a ngimpentak theihlouhziak hia… a hem gendeuh bang I om ua, khenkhat in hoihtaktak in I tup leh deihpen mah guhdawk zen I igen uh.
Thupatna a ka hon gentak mahbang in tutung I thupi uh Sianthouna ahi a, taksa lam a Sianthouna, a nounel zawdeuh in, tep leh muan toh kisai ahi. Introduction ka genlai in taksa siangthou na ahi I thupi uh chikei mahleng I thupi in a tuppen huai ahihdan ka gen a, hoihtak a ana ngaite’n I thei ua, ana ngaihsak kholloute’n I theikei ua, huailam I hahnawk keipah uhi. Bangteng hileh tutung a I thupi uh I gennate uh lungtun huai kasa ahi. Nouneltak leh hoihtak a abul abal a I sutziak un. Hiai diing deihna mah a unau muante lak a thugenna hong kisaseh hawm mah ahi.
Ahi a lah, taksa siangthouna toh kisai hoihtaktak bang in I gen ua, hoih leng isa chiat ua, dik leng isa uh. Taksa Sianthouna poimohlou ahi chia gen kuamah kana theikei. Genval ihi uh chi khatmah leng in omklei uh. Hileleng a gentute mahmah in inn tunma nasan a I thugen I bohsiatpen lamdang kasa ahi. Nihvei thumvei hiai thupi I genzoh tan un leng aphatuampih utte’n phattuampih theih diing I genkhin uh. Huchih nung a leng I lak a bangmah kikhekna muh diing ka neihlou phial ziak in poi kasa. Unaupa Khenpi amah leh amah ahong kipuan ma in leng khawl ahi chih a omdan akipan ka theihziak in huai in ahon kipaksak hi.