Church of Christ, New Delhi

“The Churches of Christ salute you” (Romans 16:16)

Upate leh Diakonte dinmun

James Guite

  • “Enkaitu Dinmun” (Office of the Bishop)
  • 1 Tim. 3:1 “Hiai tuh thugen muanhuai ahi: Kuapeuh in enkaitu dinmun a lunggulh leh nnahoih sep a lunggulh hi”
  • Gk ah Episkope(ep-is-kop-ay’ ) a kizang hi
  • Hiai in a dinmun, a kizuihpih thuneihna leh hamphatna (power & privileges) te ban ah
  • A nnasep leh a mohpuaknate leng tunkhawm vek hi.
  1. HIAI DINMUN KUA BAWL AHIA? (Who Instituted This Office?)
  • Nas. 20:28 “Huaiziak in Pasian saptuam, Amah sisan a A leite ching diing in noumau mahmah leh belam tengteng lak a Kha Siangthou in enkaitu (overseers/bishop/ episkopos) dia a hon sehnate limsak un”
  • Eph. 4:11 “Huan Amah (Pasian) mah in akhen sawltakpite, akhen zawlneite, akhen sawltakte leh akhen pastorte leh sinsaktute di’n A pia hi”
  • Tita 1:5 “Hiai ziak in ahi Krete tuikulh ah ka hon nutsiah – a kisam thilte a didan bangtak a na hon lephoih theihna di’n, leh thu ka hon piak bang a khoteng a upate na seh theihna diing in
  • Upate sep dia thupetu pen Sawltakpi Paul ahi.
  • 1 Kor 14:37 “Kuapeuh thugenmi hiam, khami hiam a kisak leh, na kiang ua ka gelhte Toupa’ thupiak ahi chih a theih diing ahi.
  • Huaiziak in Upate sep dia thupetu Khris ahi
  • A DINMUN KIMINLOHNATE (Designations of the Office)
  1. PRESBUTEROS (Elders) Upate
  • Nas. 11:30 “Huai tuh ahihta ngei ua, Barnaba leh Saul khut ah upate kiang ah a khakta uhi”
  • Nas 14:23 “Huan saptuam chih ah upate a sepkhia ua, anngawl kawm a a thuumkhit un, a gintak uh Toupa kiang ah a aapkhia uhi”
  • Nas 15:6 “Huan sawltakpite leh upate huai thu ngaihtuah diing in a kikhawm ua”
  • (Jak. 5:14; 1 Tim 4:14; Tita 1:5 te leng en in)
  1. EPISKOPOS (Overseers/Bishops) Enkaitute
  • 1 Tim. 3:1 “Hiai tuh thugen muanhuai ahi: Kuapeuh in enkaitu dinmun a lunggulh leh nnahoih sep a lunggulh hi”
  • Tita 1:7 “Huchi in enkaitu bel gensiatbei ahih ngeingei diing ahi
  • (Nas. 20:28; 1 Pet. 5:2 te leng en in)
  1. POIMEN (Shepherds/Pastors) Chingtute/Pastorte
  • Eph. 4:11 “Huan Amah mah in akhen sawltakpite, akhen zawlneite, akhen sawltakte leh akhen pastorte leh sinsaktute di’n a pia hi”
  • 1 Pet. 5:2 “Na lak ua Pasian’ belam omte ching (pastor/shepherd) un
  • Nas 20:28 “Pasian saptuamte, Amah sisan a A leite ching (shepherd) diing in…”
  1. DINMUN TUAMTUAM AHI UHIA? (Are They Different Offices?)
  1. 20:17, 28
  • t.17 “Huan Mileta khua a kipan in Ephesa khua ah mi a sawl a, saptuam upate (elders/ presbuteros) a samsak a …”
  • t. 28 “Huaiziak in Pasian saptuam, Amah sisan a A leite ching diing in noumau mahmah leh belam tengteng lak a Kha Siangthou in enkaitu (overseers/bishop/ episkopos) dia a hon sehnate limsak un”
  1. 1 Peter 5:1-2
  • “(1) Kei na upatpih uh leh Khris thuaknate theihpihtu, leh thupina hihlat a hong om diing tanpihpa’n, na lak ua om upate (elders/ presbuteros) ka hon hasuan hi: (2) Na lak ua om Pasian belamte ching (shepherd/ pastor/ poimainos) unla, enkaitu (overseers/bishop/ episkopos) bang in sepsak un: Phutluih ziak hilou in himahleh uttak in, punna thanghuai deihziak hilou in himahleh kithalawptak in”
  • Huaiziak in Khris Saptuam ah Upate, Pastor-te leh Bishop-te pen dinmun tuamtuam nei a kikhoukhiak hilou in dinmun khat leh sepna mun khat, thumal tuamtuam a kigen ahizaw.
  1. UPATE’ NNASEP (The Work of Elders)
  1. Nasepte 20:17-35
  • 17 – Mileta khua a kipan in Ephesa khua a saptuam upate a va samsak

Phil 4:9 “Kei a kipan na zilte uh, na ngahte uh, leh na zakte uh leh na muhte uh, huai thilte hih un, huchi in lemna Pasian na kiang uah a om diing

  • 18 – Asia gam a lut chiil a kipan ka omdante na thei uh
  1. 19 – Thunuailut pen kawm leh khitui kai leh haksa tuak kawm in Toupa nna a sem
  2. 20 – Vantang lak leh innteng ah saptuamte a thuhilh zel
  3. 21 – Judate leh Grikte lak ah kha mangthang matna nna seem
  4. 26-27 – Pasian’ thuhilhna thu tengteng a vek a iim neilou a a hilhkhit ziak in, na sisan uah ka hul achi thei hi.
  5. 28 – Pasian saptuamte ching diing, enkai diing, amau mimal leh Pasian belam a chinte uh tung a pilvang diing
  6. 29-30 – Ngehangte a pan belamte veng diing
  7. 31 – Khitui luang kawm a sun-le-jan a michih taihilh tawpsanlou diing
  8. 32 – Pasian hehpihna thutak a saptuamte aapkhe diing
  9. 33-34 – Kuamah dangka leh dangka-engte leh silh-le-ten deihgohlou a mahni khut mah a kitoudelh a omna lungput nei diing.
  1. Ephesate 4:11-16
  • 11 – Saptuam ah Sawltakpite, Zawlneite, Sawltakte, leh Pastorte leh sinsaktute ana pia hi.
  • Bang diing a hiai dinmunte na pia hiam?
  1. 12 – Nnasepna (Ministry) sem diing a mi siangthoute thuam diing, Khris pumpi lamtou diing
  2. 13 – Pasian Tapa theihna leh Ginna a kipumkhat a Khris tangchinna tan dong ngah diing
  3. 14 – Naupang neute bang a thuhilhna huih chiteng a langkhat langkhat a mut lengleng a omlou diing leh mihingte khelpilna leh zuautheihna a khemzoh a omlou ding
  4. 15 – Itna a thutak gen a, lupen Khris a khangtou diing
  5. 16 – Hiang chih in amau sep theih chiat sem a, saptuam khangtou sak a itna a kilamtou diing.
  6. Tita 1:9-16
  • Tital 1:6-9 ah Upate chitnate a hon vual suk hi.
  • Huai chitnate pen hiai bang nnasepte sepkhiakna dia poimoh ahihdan gen hi;
  1. 9 – Thuginpi chidam zang a mite hasuan diing leh huai thuginpi kalh mite siamlouh tangsak (convict) diing
  2. 10-11 – Khemhatte, punna thanghuai deih ziak a thuhilh louh diing hilh a innvak chingte kamhum ngeingei diing
  3. 12-13 – Ginna a a chidam theihna diing ua, zuau phuahtawm zang a mi kou mawkmawkte, nakpitak a taihilh diing (rebuke them sharply)
  4. 14 – Thutak apan lampial sak tangthu bulbal neiloute leh mihingte thupiakte limsaklou diing.
  1. 1 Peter 5:1-4
  2. 2 – Na lak ua belamhon omte ching un
  3. 2 – Enkaitute bang in sepsak un
  4. 3 – Kithuneisak tak a omlou in belamte etton diing a kibawlzaw in
  5. 1 Timothi 5:17
  • Kizentak a vaihawm thei upate a lehnih a hihthupi tuak a seh hi uhen
  • Thu leh thugin lam a seemgimte hihthupi tuaksem in om uhen
  • Upate pen vaihawmtu ahi ua thu nnasemtu leng ahi uhi.
  1. UPATE’ THUNEIHNA IN KOITAN HUAP AHIA (What is The Limit of the Authority of Elders?)
  2. 1 Pet. 5:2 “Na lak ua om Pasian’ belamte ching un” (Shepherd the flock of God which is among you)
  3. 20:28 “Huaiziak in Pasian saptuam, Amah sisan a A leite ching diing in noumau mahmah leh belam tengteng lak a Kha Siangthou in enkaitu (overseers/bishop/ episkopos) dia a hon sehnate limsak un”
  • Amau biakkhawmna mun a om Pasian’ belamte tung kia ah thuneihna piak in a om uhi.
  • Bang ziak mah in leng biakkhawmna mun dang a omte tung ah thuneihna a neih theihna diing uh thupiak leh limlah khat leng a kimukei hi.

DIAKON-TE DINMUN (Office of the Deacons)

  1. HIAI DINMUN KUA BAWL AHIA? (Who Instituted This Office?)
  • Saptuam Upa dinmun mah bang in “Diakon dinmun” leng Khris in a saptuam a dinmun poimohtak a a na seh/bawl ahi.

I Tim. 3:8 “Huchi mah bang in diakonte leng mi zahtakhuai… ahih ngeingei diing uh ahi”

  • “Huchi mah bang in” a chih pen kua toh kibang a a genna ahia?
  • 1 Tim. 3:1-7 ah Saptuam upate dinmun toh kisai a gen hi. Huai mah bang in DIAKONTE DINMUN luah thei dite leng a chitnate uh 3:8-13 kikal ah a gensuk hi.
  • Huaiziak in Upate dinmun bawltu Pasian mah in Diakonte dinmun leng bawl hi.

Philippi 1:1 “Jesu Khris sikha Paul leh Timothy te’n, Philippi khua a om Khris Jesu a mi siangthoute leh enkaitute (bishops) leh diakonte kiang ah”

  • Saptuam a dinmun thum – huai bel, mi siangthoute, upate leh diakonte gen in a om hi.
  • Huaiziak in Diakon dinmun leng Khris in ana seh/bawl ahi.
  1. DIAKON BANG CHIHNA AHIA? (What Is the Meaning of Deacon?)

Nasepte 6:2 “Huan sawm-le-nihte’n nungzui mipite a sam ua, ‘Pasian thugen tawpsan a dohkan a nek-tak ka bawl uh a hoihkei diing…’” (to serve tables)

  • Hiai a “Bawl” (Serve) kichi thumal pen Grik pau ah DIAKONEO ahi a, nnasep genna thumal ahi.
  • Hiai thumal mah thilmin genna bang a zat ahih chiang in DIAKONOS ahi leuleu hi.
  • 1 Tim. 3:8 leh Phil. 1:1 na a “diakonte” kichi thumalte pen Grik ah DIAKONOS ahi.
  • DIAKON thumal khiaknate bel;
  1. NNASEEMTU (Servant)

Mt. 20:26 “Himahleh nou lak ah bel huchi ahikei diing. Kuapeuh na lak ua thupi hih ut peuhmah, na NNASEMTU un a hong om zaw diing hi”

(Mt. 22:13; Jn. 2:5; Rom 13:4 te leng en in)

  1. KHAWNBAWLTU (Minister)

2 Kor. 3:6 “Thukhun Thak NNASEMTU (minister) hi diing in a hon chingsakta a, lai thu gelhlel nnasemte hilou in Kha’ nnasemtute hizaw in…”

(Eph. 3:7; Kol. 1:25 te leng en in)

  • Huaiziak in DIAKON I chih pen “Nnasemtu (servant), dohkan ngaktu (waiter), midangte nna sepsaktu” chihna ahi.
  • DIAKON MOHPUAKNATE (The Responsibilities of Deacons)
  • Diakonte nnasep diing toh kisai I Lai Siangthou ah telkhehtak a gen in a omkei.
  • Nas 6 ah Sawltakpite’n salam nnasep kuul leh poimohte a sep ziak ua Pasian thugenna tawpsan maimah a a omlouhna diing uh NNASEMTU (Diakon) sagih a sepkhia uhi.
  • Huchi mah bang in, Upate pen Thu nnasepna a sukbuai a omlou a a kizat theihna diing un (1 Tim 5:17) salam nnasepnate a panpihtu diing NNASEMTUTE (DIAKONTE) a poimoh hi.
  • DIAKON thumal omzia in a kawk mah bang in amaute pen Saptuam sung a salam nnasep tuamtuamte semkhetu diing ahi uh. Tuabang a nnasep khenkhatte;
  1. Biakinn hahsiang, tutna lep leh tutna hawm.
  2. Toupa dohkan diing tanghou leh greptui buatsaihtu
  3. Bible, labu leh thugenna panpihtu vanzat tuamtuamte buatsaihtu
  4. Thilpiak sim
  5. Panpih ngaite panpihna buatsaihtu
  6. Saptuamte vehna buatsaihtu
  7. Bible class leh naupang nipi skul kaite panpihtu
  8. Leh a dangdangte
  1. UPATE LEH DIAKONTE KIBATLOUHNA (Difference Between Elders and Deacons)
  2. Upate pen “Thuhilh thei/siam” (able to teach) ahih uh poimoh (1 Tim. 3:2; Tita 1:9). Himahleh Diakonte pen thuhilh theihna nei hih teitei kuullou a, “Sia-le-pha theihna siangtak toh ginna thuguk kembit mi” ahih uh poimoh.
  • Huai I chihna in Thuhilh theilou bikbek chihna hi samlou. Nasepte 6 ah Stephen leh Philipte leng Nnasemtu dia sehkhiak himahle uh thugenna hun leng a nei uhi.
  • Philip ngial houh Evangelist a hong suak hi (Nas. 21:8)
  1. 1 Tim 3:4-5 ah Upate pen a innsung ua vaihawm siam diing leh saptuam a vaihawm siam diing a ngiat ahi uh. Himahleh Diakonte pen amau tate leh a innsung ua vaihawmtu diing a seh ahi uh (1 Tim 3:12). Saptuam ah diakonte’n vaihawm theihna thuneihna neilou ua, huai vaihawmna pen upate khut ah kinga liuliau hi.
  2. Upate pen gingthak mi ahitheikei (1 Tim. 3:6). Himahleh, ettel masak diing himahle uh (1 tim 3:10), huai khaamna pen Diakonte a din a kibawlkei hi. Diakonte chitnate a neih nak peuh uleh gingthakmi leng diakon di’n a sehtheih hi.
  3. Upate pen Khalam thilte enkaitu dia seh ahi ua (Heb. 13:17; Nas. 20:28). Diakonte bel saptuam sung a salam nnate enkaitu dia seh ahi uh (Nas 6)

THUKHITNA

Unaupa Charles Hodge in hichibang in ana gen hi: “A man too big to be a deacon is too small to be an elder” (Diakon nnasem dia lian kisalua mipa pen upa di’n a neulua hi).